Naoficijalno prevodo – i makedonsko verzija si i oficijalno.
E bućarne ano angluno Klinikano centro, adive Kompleks klinikengo „Daj Tereza”, sesa džene ano Korkoripasko sindikato vaš sastipe, farmacija thaj socijalno politika ko Khetanipe e sindikatengo ki Makedonija. O sindikato sas les trin bazikane organizacie: e bućarnengi ko Medicinako fakulteti, ani klinike thaj ano instituturja. E sindikalno organizacija e Klinikane centroski sas la maj but sar 2.700 džene. Palo angluno direktori e Klinikane centrosko, prof. dr. Ilija Džonov, ano 1998 thaj 1999 berš dindile thaj pherdo opremime duj kancelarie, kaj kerdili barvali aktivnost e sindikalno organizaciakiri.
E džene e sindikalno organizaciakere ko angluno Klinikano centro na sesa bahtale e tretmanesa savo lena katar o rukovodstvo e Korkoripaske sindikatosko, vi te sesa i maj bari sindikalno organizacija ano Sindikato. O nabahtalipe resla ki kulminacija kana vaš o kongreso e Korkoripaske sindikatosko i organizacija e Klinikane centroski lija samo štar delegatura thaj na prinjardilo o propozicia o prezidento ja o vicprezidento te avel katar lenge rede.

Nabahtale katar akava odnoso, trin džene e sindikatoske katar o Klinikano centro – Ratko Stankovski, prim. dr. Angelče Sazdovski thaj Risto Spirov – vazdine inicijativa te kerdol nevo sindikato. Ko anglunipe e idejake pe nevo sindikato pridžanile e džene katar štar ja pandž sindikalna podružnice e anglune Korkoripaske sindikatoske.

Ko palutno kongreso, savo ikerdilo ano maj 2014 berš, o Korkoripasko sindikato e klinikane centrongo thaj aver sastipaske organizacie ani Republika Makedonija parudas pumaro anav thaj akana si Korkoripasko sindikato e bućarnengo ano univerzitetska klinike, centrura, klinikane bolnice thaj aver publikane sastipaske institucie ani Republika Makedonija.
O angluno prezidento e Korkoripaske sindikatosko sas prim. dr. Angelče Sazdovski. O dujto prezidento sas dr. Dejan Stavrić, a o trito dr. Goran Begović.
Ano vakti e angluneske kongresosko, o nevo sindikato ano sastipe – o Korkoripasko sindikato e klinikane centrongo thaj aver sastipaske organizacie ani Republika Makedonija – sas les 3.200 džene.
O angluno kongreso ikerdilo ano mart 2002 berš ano hoteli „Palas” ani Ohrid. O angluno prezidento sas dr. Angelče Sazdovski.
O Korkoripasko sindikato e bućarnengo ano univerzitetska klinike, centrura, klinikane bolnice thaj aver publikane sastipaske institucie ani Republika Makedonija (SSKC) ko Šovto kongreso, savo ikerdilo ko 5.04.2023 berš, alosardas vaš prezidento e dr. Predrag Serafimoskien. Adive o sindikato si les maj but sar 5.400 džene thaj 58 sindikalna organizacie.
Scroll to Top