E korisnikura e Fondoske love si e džene e Korkoripaske sindikatoske kola redovno pokinen dženipaskiri čhlanarina ano palutne 12 masek, sar vi e džene katar lenge paše familie. O vakti e dženiposko e mangavneske dikhljol e potvrdasa savi del o prezidento thaj o blagajniko e sindikalno organizaciakoro ani savi si o mangavno dženo.
Paše o pherdo MANGIPE (palo tipo e pomoćesko), vaš resipe hakaj katar o Solidarno fondo tumenge trubun akala dokumentura:
1. Lovengiri pomoć vaš lungo nasvalipe
- Formularja – Raporto pal vaktesko na šajipe te kerel buti ano kontinuiteto, ja Gindipe e Komisijakoro vaš lungjaripe e nasvalimasko.
- 2. Lovengiri pomoć vaš sastaripe thaj medicinska pomagala
- konzilijarno gindipe;
- otpusno lil katar i bolnica;
- specijalistikano raporto;
- faktura/fiskalno lil katar o them ja avrjal.
- 3. Lovengiri pomoć vaš phare posledice katar e elementarna nesreće
- Oficijalno potvrda katar o kompetentno organo pal i šteta;
- Dokazo pal o vlasništvo e khereske – imotno lil.
- 4. Lovengiri pomoć ano slučaj meripasko e dženesko e Fondosko
- Fotokopija katar o izvodo e matično lilestar e mulengo;
- a) meripe e dženesko katar lesiri/lakiri paši familija
- Fotokopija katar o izvodo e matično lilestar e mulengo;
- Fotokopija katar i lična karta;
- Fotokopija katar o izvodo e matično lilestar e bijandengo e mangavnesko, na maj phuro sar šov masek (kana o mangavno si dženo katar i paši familija)
- 5. Lovengiri pomoć ano slučaj otkazosko ja finansiska posledice palo sindikalna aktivnostura
- Rešenie vaš agoripe e bućakiri relacija ja Rešenie vaš disciplinsko mera.
- Vaš savorre aver slučajura save naj ano Pravilniko – dokumentura save opravdinen o mangipe savo mangljol.
POSTUPKA VAŠ RESIPE E HAKAJENGO
E džene e Sindikatoske o mangipe vaš koristipe varesavo hakaj palo Pravilniko den les ki sindikalno organizacija.
O prezidento e sindikalno organizaciakoro, pali proverka e trubutne dokumentacijakiri, bičhalel les ki Komisija e Solidarno fondoski e Korkoripaske sindikatoske e bućarnengo ano univerzitetska klinike, centrura, klinikane bolnice thaj aver publikane sastipaske institucie ani Republika Makedonija.
NAPOMENA:
- I Komisija na ka dikhel:
- na pherde mangipa
- mangipa save dindile pali vakti
- mangipa e mangavnengo kola na pokinen ano Solidarno fondo;
mangipa bičhalde direktno ki Komisija
