Naoficijalno prevodo – i makedonsko verzija si i oficijalno.

O Korkoripasko sindikato e bućarnengo ano univerzitetska klinike, centrura, klinikane bolnice thaj aver sastipaske institucie ani Republika Makedonija si dragovoljno, korkoripasko, demokratikano, nazavisno thaj bipartiskiri organizacija e bućarnengi ano univerzitetska klinike, centrura, klinikane bolnice, i publikani institucija katar o sastipe vaš e trubipa e publikane sastipaske instituciengo, univerzitetska klinike, zavodo thaj urgentno centro ano Skopje thaj aver publikane sastipaske institucie ani Republika Makedonija.

E resaripa thaj e butja e SSKC-eske si:

1. Khetanipe ano Sindikato e dženengo kola keren buti ano univerzitetska klinike, centrura, klinikane bolnice thaj aver publikane sastipaske institucie ani Republika Makedonija;

2. O Korkoripasko sindikato si organizime pe principo e khetanime sindikalna organizaciengo katar i medicina, i stomatologija, i farmacija thaj i sastipaskiri administracija.

3. Vaš laćharipe thaj arakhipe lenge hakajengo thaj interesongo garantime e Ustavosa, e zakonjencar thaj e kolektivna dogovorencar, bi dikhlo pe lengiri politikani, rasakiri, religiakiri ja nacionalno pripadnost, pol, bijavesko statuso, socijalno avipe, barvalipe ja amalikano thanbešipe;

4. Partiril ano pregovaripe thaj potpiširipe e kolektivna dogovorengo thaj ano dikhipe lengere sprovediposko;

5. Vazdel inicijative thaj diskusie thaj del gindipe pal e zakonja thaj aver propisura save uređinen o amalikano-ekonomikano thaj socijalno thanbešipe e dženengo

6. Maripe vaš slobodno, demokratikano, pravno thaj socijalno them thaj vaš o dostoinstvo e profesijako;

7. Thovipe e bućakiri cena thaj aver bućakere uslovura dostojna e manušeske;

8. Arakhipe e hakajesko pe buti thaj biačhado bućaripe;

9. Organiziripe e dženengo thaj resipe e hakajesko pe štrajko;

10. Dipe materijalno pomoć bi palpaldipasko e dženenge katar o Solidarno fondo;

11. O ekspertsko bordo vaš propisura thaj pravna pučiba ko SSKC del e dženenge pravna savetura thaj pomoć.

12. O SSKC del sindikalna lačhipa pe nivelo e sasti Makedoniako vaš e trubipa e dženengo.

13. Laćharipe e bućake uslovongo, arakhipe ki buti, arakhipe e trajoske thaj bućake sredinakoro, sar vi specijalno grija vaš o sastipe thaj o trajo e bućarnengo ano procesi e bućakoro;

14. Dipe uslovura vaš kontinuirano sindikalno edukacija thaj aver;

15. Resipe aver resaripa thaj interesura pumare dženengo.

16. Informiripe pumare dženengo thaj e publikako pal pumari buti;

17. Sindikalno arakhipe pumare dženengo;

Scroll to Top